Умри давомида шундай шаҳсларга рўпара бўладиким, бундайлар инсонни шаҳс сифатида шаклланишида муҳим роль ўйнайдилар. Ҳ.А.Маҳмудова мақола имконияти даражасида Тошкент театр - рассомлик институтини ташкил топишида муҳим рол ўйнаган икки устоз тўғрисида фикр юритишга ҳаракат қилган. Булар – Назира Насреддиновна Алиева ҳамда Лола Агзамовна Ходжаевалардир. Ўзбекистон Халқ артисти, профессор Н.Н.Алиева ўзбек миллий саҳна нутқи фа- нини шакллантиришда, шу билан бирга қатор ўзбек театр намояндаларини тарбиялашда муҳим ҳисса қўшган устоздир. Профессор Л.А.Ходжаева институтнинг “Саҳна нутқи” кафедрасини ташкиллаштириш йўлида ўз умрини аямаган инсон эди. Муаллиф, устозлар анъаналарини сақлаб қолиш мақсадида, ўз шаҳсий хотиралар орқали уларнинг иш услуби ҳамда инсоний фазилатларни ёш авлодга етказишни ўз олдига мақсад қилиб қўйган.