Ўзбекистон – қадим-қадимдан улуғ алломалар, валий инсонларни тарбиялаб вояга етказган юрт. Бу табаррук заминда исломий илмларнинг барча тури ривожланиб, дунёга машҳур назарий тадқиқотлар яратилган. Жумладан, инсон қалбини поклаш, уни руҳий-маънавий жиҳатдан юксалтиришни мақсад қилган тасаввуф таълимоти ҳам юртимизда кенг тараққий этган. Ушбу мақолада юртимизда тасаввуфнинг кенг тараққий этишиuа беқиёс ҳисса қўшган Соҳибқирон Амир Темурнинг ислом динига, тасаввуфга муносабати, эътибори, пирларига, саййидларга бўлган ҳурмати, устозларига бўлган садоқати, давлат бошқарувида шариат илми, тасаввуф илмидан фойдаланиши, инсоний фазилатлари, маънавиятни бойитишга қўшган ҳиссаси ҳақида маълумот берилади.