Текширувларга РАга чалинган репродуктив ёшдаги 55 та аёллар жалб қилиниб, асосий гуруҳни 45 нафар, назорат гуруҳини эса 10 нафар бемор ташкил этган. Асосий гуруҳдаги беморларда патогенетик даво негизида прогестерон етишмовчилигини коррекциялаш уларнинг ҳаёт сифати кўрсаткичларини, яъни яшаш қобилияти, саломатлигининг умумий аҳволи ва ижтимоий фаолиятининг яхшиланишига олиб келди ҳамда руҳий саломатли- ги ўзгаришига ижобий таъсир кўрсатди. Бир йилдан кейинги кузатувлар натижаси асосий гуруҳдаги беморларда назорат гуруҳидаги кўрсаткичларга нисбатан 12,2%дан кўп ҳолларда 6 ойдан ошиқроқ вақт мобайнида касаллик клиник ремиссияси юз берганлигини кўрсатди. Шунингдек, асосий гуруҳдаги беморлар назорат гуруҳидагиларга нисбатан йил давомида 16,6% дан кам ҳолларда шифохонада ётиб даволанишга муҳтож бўлганлар. Бинобарин, назорат гуруҳидаги беморлар асосий гуруҳдагилардан фарқли ўлароқ, 38,7% дан ортиқ ҳолларда йил давомида ревматологга саломатлиги муаммолари бўйича мурожаат қилганлиги кузатилган. Шундай қилиб, РАга чалинган репродуктив ёшдаги аёлларда патогенетик даво негизида прогестерон етиш- мовчилигини коррекциялаш бўғимларнинг функционал бузилишлари профилактикасини мувофиқлаштиришда муҳим аҳамиятга эга.