Мақолада “Темурнома” жангномасининг услуби, ундаги насрий қисмнинг асар композициясидаги ўрни, қаҳрамон характерини ёритишда фойдаланилган бадиий санъатларнинг аҳамияти ёритилган. Хусусан, халқ китобларининг насрий қисмида мавжуд анъанавий қолип – бошланма, киритма сўз, асардаги бобларни ўзаро боғловчи бирикмаларнинг “Темурнома”да қўлланилиши мисоллар асосида таҳлил қилинган. Шунингдек, жанг саҳналаридаги қаҳрамонлар ҳаракатининг уч босқичда тасвирланиши, табиат ҳодисаларини бадиий тасвир воситаларига боғлаб тадқиқ этиш асар мазмун-моҳиятини очишга хизмат қилган.