Пахта селекцияси, уруғчилиги ва етиштириш агротехнологиялари илмий-тадқиқот институти, Тошкент Мақолада янги, истиқболли ғўза навларини парваришлаш агротехнологиясини ишлаб чиқиш зарурияти келтирилган.Шунингдек мақолада мамлакатимизнинг турли тупроқ-иқлим шароитларида ўтказилган (20 йиллик) тадқиқот натижалари баён этилган. Янги, истиқболли ўрта ва ингичка толали ғўза навларини парваришлаш агротехнологиясини ишлаб чиқиш бўйича дала тажрибалари ўтказилган. Пахтадан мўлжалланган юқори ҳосил олишда суғориш тартиби, маъдан ўғит меъёрлари ва кўчат қалинликлари тадқиқ этилган. Тавсия этилган мақбул суғориш тартиби, минерал ўғит меъёрлари ва кўчат қалинликлари навларнинг морфо-биологик тавсифини инобатга олинган ҳолда берилди.