Мақолада ҳар хил даражадаги тупроқ шўрланишининг ғўза навлари сувни сақлаш хусусияти ва фотосинтез соф маҳсулдорлигига таъсири натижасида олинган экспериментал маълумотлар келтирилган. Навлар кесимида мазкур кўрсаткичлар қийматининг ҳар хил бўлиши тупроқ шўрланиш ва намлик даражаларига боғлиқлиги қайд этилган ҳамда Бухоро-6, Бухоро-102 навларининг шўрланишга нисбатан адаптацион хусусиятининг юқорилиги илмий асосланган. Ушбу навларнинг ўсиш ва ривожланиши жадал бориб, олинган ҳосил ва унинг сифати ҳам юқори бўлди. С-6524 ва Оқдарё-6 навларида тупроқ шўрланиши муҳитида биологик шўрга чидамлилик хусусияти намоён бўлди.