Сув омборида сувўтларнинг ривожланиши ва тарқалишига ташқи муҳит омиллари комплекс таъсир этади. Оқдарё сув омбори альгофлорасидан сувўтларнинг 4 бўлимга (Cyanophyta, Bacillariophyta, Xantophyta, Chlorophyta) мансуб 71 тур ва тур ичи таксонлари (тик) аниқланди. Кузда альгофлора энг бой бўлиб, 32 тик аниқланган бўлиб, 42,25% ни ташкил этади. Қиш фаслида энг кам тарқалган бўлиб, 2 тури (2,81%) аниқланди. Бошқа фаслларда оралиқ қийматларни ташкил этди (баҳорда 23 тик-32,39%, ёзда 25 тик-35,21%). Фасллардаги альгофлоранинг хилма-хиллиги сувнинг ҳароратига, минерализация миқдорига ва бошқа омиллар таъсири боғлиқ. Сув омбори альгофлораси таркибида 52% тур чучуксув, 24% тур чучук-шўртоб ва 24% шўртоб сувўтлар ташкил этган.