Мақолада ишлаб чиқариш таълимининг методик таъминотини ишлаб чиқишга тизимли ёндошув асослари келтирилган бўлиб, ишлаб чиқариш таълими жараёнининг атамалари, асосий тушунчалари, ўзига хос хусусиятлари ва дидактик вазифаларининг моҳияти очиб берилган. Ишлаб чиқариш таълими жараёнини тўғри ташкил этиш ўқувчиларнинг касбий кўникма ва малакаларини самарали шакллантирилишини таъминлайди. Шу сабабли, ишлаб чиқариш таълими – малакали кичик мутахассислар тайёрлаш жараёнининг ғоят муҳим таркибий қисми бўлиб, унга умумий ўқув вақтининг катта қисми ажратилади. Педагогик тизимнинг тавсифи турли хил педагогик ҳужжатлар: режалар, дастурлар, ўқув қўлланмалар ва ҳ.к.лар шаклида амалга оширилади. Педагогик тизимни англаб ва мақсадга йўналтирилган ҳолда яратиш ҳамда такомиллаштириш – ҳар қандай ўқув муассасасининг ўқитувчиси, ишлаб чиқариш таълими устасининг асосий вазифасидир. Бунда тизимли методик таъминотни ишлаб чиқиш схемаси ва кетма-кетлиги ёритиб берилган