Мақолада академик лицей ва касб-ҳунар коллежларининг “Математика” ўқув дастурлари мазмунини янги тушунчалар билан бойитиш, узвийлик ва изчилликни таъминлаш ва математик таълимнинг сифатини оширишга оид баъзи тавсиялар берилган, ҳамда ДТС ва “Математика” ўқув дастурларининг мувофиқлик ҳолати таҳлил қилинган. Амалдаги “Математика” ўқув дастурларининг “Комбинаторика элементлари” ва “Эҳтимоллар назарияси ва математик статистика элементлари” бўлимларининг мазмунини янги тушунчалар билан бойитишда тўлиқлик, кенглик, дидактик аҳамиятлилик, психофизиологик ва ҳалқаро аҳамиятлилик тамойилларига тўлиқ таянилган. Бу бўлимлар учун белгиланган соатлар миқдорига ўзгартиришлар киритиш зарурлиги илмий жиҳатдан ўрганилган. Шунингдек, ушбу мақолада ўқув дастурга тавсия этилган тушунчалар ва вақт тақсимоти таълим мазмунини очиб бериш учун етарлилиги ва зурурийлигини тасдиқловчи янги дидактик воситалар ва ўқув қўлланмалар яратилганлиги ва ундан амалиётда самарали фойдаланилаётганлиги ҳақида маълумот берилган..