Мақолада Қорақалпоғистонда отлар ошқозон ичак йўллари гельминтлари бўйича тадқиқот натижалари келтирилган. Ушбу ҳудуд шароитида отларнинг овқат ҳазм қилиш йўлида 2 та синф, 5 туркум, 9 оила ва 21 авлодга мансуб 51 тур гельминтлар аниқланган. Гельминтлар орасида нематодалар вакиллари кенг тарқалган (8 та оилага мансуб 48 тур), цестодалар эса таксономик ва турлар хилма хиллигининг камлиги билан ажралиб туради (1 та оилага 3 тур цестода). Аниқланган гельминтозлар орасида нематодаларнинг Strongylidae, Trichonematidae ва Habronematidae оилалари эпизоотик жиҳатдан катта аҳамиятга эга эканлиги қайд этилган.