Сурункали буйрак касаллиги III-босқичидаги беморларда пешобда оқсил миқдорини камайтириш ва буйракнинг азотли юкламасини камайтириш мақсадида гипопротеинли парҳез тавсия этилади. Аммо, гипопротеинли парҳез организмдаги алмаштириб бўлмайдиган аминокислоталар етишмовчилигини юзага келтиради, бу ўз навбатида ҳужайра оқсил синтези механизмига таъсир кўрсатади. Айниқса жигарда альбумин синтезига таъсир кўрсатиши оқибатида гипопротеинемия юзага келиши, трофика ҳолати ёмонлашиши, иммунитет сусайиши ва инфекцияга чалинувчанлик ошишига олиб келади, ҳамда касалликни диализ босқичигача ривожланишини кучайтиради. Алмаштириб бўлмайдиган аминокислоталар комплексли препаратларни (кетостерил, проренал, мориамин форте) гипопротеинли парҳез билан биргаликда қўллаш гинопротеинемияни кучайишини олдини олади ва нутритив статусни ижобий томонга ўзгартиради. Мориамин форте механизми асосида буйрак коптокчалар капиллярларида босим ва ўтказувчанлигини пасайтиради, 20-углерод ёғ кислоталари пайдо бўлишини камайтиради, пешобда оқсил миқдорини камайтиради ва ҳамда буйрак коптокча капилляр ҳужайралари гиперплазиясига тўсқинлик қилади. Гипопротеинли парҳез алмаштириб бўлмайдиган аминокислоталар билан биргаликда даволаш – оқсил синтезини оширади, буйракнинг азотли юкламасини камайтиради ва беморнинг умумий аҳволини яхшилайди. Калит сўзлар: Сурункали буйрак касаллиги, нутритив статус бузилиши, мориамин форте