Хозирги кунда сурункали буйрак касаллиги (СБК) эпидемик масштабга эга бўлмоқда. Бутун дунёда 10% ахоли СБК билан касалланган. СБК асосида кенг спектрли бузилишлар (қандли диабет, артериал гипертензия, гломерулонефрит ва бошқа касалликлар) ётади. СБКни этиологик давоси чегараланганлиги боис, биринчи навбатда турли патогенетик механизмга таьсир этувчи даво чоралари ахамиятлидир. Симптоматик давони асосий компонентни бўлиб антиоксидантли даво хисобланади. Бундай даво буйракда нефронлар ишлаш функциясини ва коптокча фильтрациясини яхшилаб, касаллик ривожланишини секинлаштиради. Шу боисдан даволашда замонавий антиоксидант, яъни бу функцияни ўзида жамлаган «янтар кислота» бўйича турли тажриба ва текширувлар мухим ахамиятга эга. Бугунги кунда антиоксидант восита сифатида «янтар кислота»ни СБК II-III босқичида қўллаш самарадорлиги тўғрисида маьлум хажмдаги тасдиқланган маьлумотлар бўлмагани боис, илмий текширувни актуаллигини ташкил этади. Калит сўзлар: Сурункали буйрак касаллиги, янтар кислота, антиоксидант, глутатион, гемодиализ, СКФ.