Мақолада оксюмороннинг контраст ҳосил қилувчи бирликлар орасида тутган ўрни, антитезадан фарқли хусусиятлари ёритилган. Оксюморонларнинг бадиий матнларда тасвирланаётган кишилар фаолияти, характеридаги қусурлар, хулқ-атвори тўғрисида аниқ маълумот бериши ва бадиий, образли, эстетик таъсирчан восита сифатида қўлланилиши мисоллар асосида кўрсатилган. Улар алоҳида олинган ижодкорларнинг индивидуал услуби, уларнинг воқелик фактларини қай даражада идрок этиши ва бадиий матнларда қўллай олиш маҳоратини кўрсатиб туриши ҳақида фикр юритилган.