Қандли диабет (ҚД) – кенг тарқалган терапевтик касалликлардан бири хисобланади. Мутахассислар маьлумотлариа кўра Ўзбекистонда тарқалганлиги 5% ни ташкил этади. Афсуски, углевод алмашинувини бузилиши диабетик нефропатия (ДН) асоратига хам олиб келади. Нефропатия ривожланиш механизмлари хозиргача аниқ эмас, аммо ишонч билан айтиш мумкинки, ДН ривожланишида эндотелий дисфункцияси ва қон-томир бошқарилишини бузилиши ётади. Шунинг учун азот оксидини (NO) ўрганиш ахамиятга эга. У кўп томонлама хусусиятга эга бўлиб, тромбоцитлар агрегацияси, лейкоцитлар адгезияси ва томирни силлиқ мушакли хужайраларини пролиферациясида иштирок этади. Маьлумотларга кўра, доимий равишда NO буйраклар томирларини эндотелиал ва силлиқ мушак хужайраларида, мезангиал ва эпителиал каналча хужайраларида синтезланади. Шунинг учун буйракдаги қон оқимини, экскретор функциясини ва тубулогломеруляр балансни бошқаришда ахамиятга эга. Қуйидаги патология билан бўлган бемор организмида NO синтези субстратини резервини тўлдириш учун, NO орқали эндотелийга боғлиқ периферик артерияларни вазодилятациясини кучайтириш, яьни беморнинг клиник холатини яхшилаш ва буйрак артерияларини жарохатланиш темпини секинлаштириш мумкин. Унга L-аргинин аминокислотаси киради. Калит сўзлар: қандли диабет, диабетик нефропатия, эндотелиал дисфункция, азот оксиди, L-аргинин.