Тажриба натижасида контактли аллергик дерматит чақирилган назорат гурухидаги хайвонларнинг тери бурмалари ўлчамлари 7-кунигача қалинлашиб борганлиги, кейинги 9-кунидан эса бироз камайиши аниқланди. Флавоноидлар йиғиндиси асосидаги 1% ва 3% ли суртма дори воситалари ҳайвонларнинг тери бурмалари ўлчамларини даволашнинг 7-кунидан, 5% ва 7% ли суртмалари эса 5-кунидан бошлаб ишончли камайтириб борганлиги намоён бўлди. Бунда флавоноидлар йиғиндиси асосидаги 5% ва 7%ли суртма дори воситалари тери бурмаларининг ўлчамларини камайтиришда энг яхши самара кўрсатди.