“Минг бир кеча” тузилишига кўра, Шарқ насрининг турли жанрларини ўз ичига олади. Унда кичик-кичик масал, ҳикоят, ривоят, нақллар ҳам, катта-катта саргузашт қисса ҳам, афсона ва ваҳимали эртаклар ҳам мавжуд. Дунё илмида у оғзаки ижод асосида юзага келган ёзма адабиёт намунаси сифатида ўрганилиб келинмоқда. Барча эртаклар халқнинг ўй- фикрлари, орзу-истакларини акс эттиради. Асарда ҳикоятларнинг Бағдодда яратилган гуруҳи мавжуд. Ўрта асрларда Ироқнинг катта шаҳарлари социал, этник ва диний гуруҳларнинг турли хил аралашма манзарасини ўзида ифодалаган. Бағдод, Басра ва бошқа шаҳарлар бандаргоҳида ва бозорларида ҳунармандчилик ва савдо-сотиқ ривож топган. У ерда тужжорлар дунёнинг турли амлакатларидан келган сайёҳлар билан учрашган. Бу сайёҳлар диний ва маданий анъаналарни ўзи билан олиб келган. Ўз ўрнида араблар ҳам тижорат мақсадида узоқ ўлкаларда бўлиб, дунёқарашларини ўзга юрт урф-одатлари ва маданиятини ўрганиш, ўзлаштириш билан кенгайтиришган. Ушбу мақолада Шарқ алқларининг ноёб дурдонаси бўлмиш “Минг бир кеча” асари ҳикоятларининг Боғдодда яратилган гуруҳи таснифи, тавсифи илмий - назарий жиҳатдан таҳлил қилинган.