Муаммонинг келиб чииши. “Олмалиқ КМК” нинг рух хом ашёсини қайта ишлашда чиқиндиларсиз технологияни яратиш жуда долзарб. Кеклар қайта ишланадиган материалнинг 30-40% миқдорида кокс ва нефткокс қўшимчалари қўшилиб печда аралаштирилади (вальцевание). Вельцпечлардан чиқаётган газлар атмсоферага чиқарилади, клинкер қисман мисни эритадиган заводга узатилади, асосий масса омборларда сақланади. Тадқиқотнинг мақсади – рух саноати кекидан қимматбахо компонентларни: термо-буғли қайта ишлаш, сульфат кислота билан эритиш, металларни ажратиб олиш ва қайта ишлашга сарфхаражатларни қисқартириш каби ноанъанавий усуллар билан ажратиб олиш технологиясини яратиш. Методологияси – кекларни куйдириш (намуналарнинг миқдори 100-200 г), парогенератор, совутувчи ва газларни тутиб қолувчи система, вакуум насос ва ички диаметри 53 мм, узунлиги 517 мм бўлган айланадиган электр печлардан иборат қурилмада ўтказилади. Унинг ички қисми – кварцли, металл қопламали. Кварц трубкасининг ташқи қисми слюда билан қопланган Илмий янгилиги. Илк бора рух кекини термо-буғ билан қайта ишлашнинг имконияти яратилди. Термо-буғли қайта ишланган маҳсулотдан металларни ажратиб олишнинг самарали усули сульфат кислотали эритиш эканлиги тасдиқланди. Олинган маълумотлар. Кекни сульфат кислотада эритганда жараённинг муқобил шароити: 2.5 соат, сульфат кислотанинг концентрацияси 170 г/л, ҳарорат 80°С эканлиги тасдиқланди. Кекнинг унуми 45-46% бўлганда рухни ажратиб олиш даражаси 92.6%, мисники 81.5%. Олинган сульфат кислотали эритманинг таркиби (г/л): рух 125.4; мис – 1.44; темир – 4.2. Калит сўзлар: рух, кек, флотация, эритиш, термо-буғл ишлов. Хусусиятлари: - рух ишлаб чиқаришда кекни термобуғишлов; - маҳсулот массасининг камайиши; - куйиндида рух ва бошқа металлар миқдорининг ўсиши.