Нутқни таниб олиш тизимларини қуришдаги муаммолардан бири бу табиий тилнинг турли-туманлигидир. Бироқ мавжуд тизимларнинг катта қисми айрим табиий тиллардаги нутқ маълумотларини таниб олиш имкониятига эга. Аммо кўплаб тиллардаги нутқни таниб олиш объектив ва субъектив сабабларга кўра бундай тизимларга киритилмаган. Жумладан, ўзбек, тожик, қорақалпоқ ва бошқа тиллар. Мазкур мақола қорақалпоқ тилидаги нутқни таниб олишда CMU Sphinx очиқ кодли тизимини тадбиқ этишга бағишланган бўлиб, унда Sphinxнинг тузилмаси, нутқ моделлари, қорақалпоқ тилидаги сўзлар учун фонемалар базасини шакллантириш ва тизимини тестлаш натижалари келтирилган.