Ҳозирги вақтда “Ўзбекистон темир йўллари” АЖнинг бир қанча саралаш станцияларида поездлар тузиш режаси бўйича тузилган поездларни энг мақбул усулларни қўллаган ҳолда жўнатиш долзарб муамммо бўлиб қолмоқда. Ушбу мақолада “Ўзбекистон темир йўллари” АЖнинг Чуқурсой саралаш станциясида шартли йўналиш сифатида вагонларнинг йиғилиш жараёни таҳлил қилиб чиқилди. Ўзгармас график шароитида танланган шартли йўналишдаги вагонларнинг саралаш станцияси йўлларида туриб қолиш вақтлари поездлар ҳаракатининг ҳисобий ўлчамига (Nсут), поездларнинг жўнатилиши вақтига (Т1 ,Т2 ва Тi), уларнинг ушбу йўналишдаги оралиқ вақтлари интервалларига (I1,I2,...In) боғлиқлиги тадқиқ қилинди. Оралиқ вақт интервалининг энг самарали вариантини танлаш мобайнида, ушбу кўрсаткичларга алоҳида эътибор қаратилди.