O‘QUVCHILARDA INSHO YOZISH KO‘NIKMASINI SHAKLLANTIRISHDAGI MUAMMOLAR VA ULARNI BARTARAF ETISH BO‘YICHA TAVSIYALAR

Har tomonlama barkamol insonlarni voyaga yetkazish jamiyatimizning eng asosiy maqsadlaridan biri bo‘lib kelayotgan bugungi vaziyat yosh avlodning axborot almashuv jarayonida o‘z fikrlarini to‘g‘ri va aniq, ta’sirchan hamda izchil bayon eta olish qobiliyatlarini yanada rivojlantirishni, bir so‘z bilan aytagnda, ularning og‘zaki va yozma savodxonligini oshirishni talab etadi. Shu sababdan o‘quvchilarda uchrayotgan matniy xatolar ustida ishlash, qolaversa, o‘rganuvchilarda turli til hodisalarini anglab yetgan holda ularni nutqda keng qo‘llash ko‘nikmasini shakllantirish bugungi kun ona tili va adabiyot fani o‘qituvchilari zimmasida turgan eng dolzarb muammolardan biridir. Ushbu maqolada ta’lim tizimida insho yozdirish jarayonida uchrayotgan muammolar va ularning amaliy yechimlari, insho yozdirish texnikasi va u bilan bog‘liq bir qator tavsiyalar yoritilgan.