СУРХОН ВОҲАСИДА ЧОРВАЧИЛИК ХЎЖАЛИГИНИНГ РИВОЖЛАНИШИДА ҚЎЙЧИЛИКНИНГ ЎРНИ

Ушбу мақолада Сурхон воҳасида чорвачилик билан шуғулланиш учун кенг яйловлар, турли озуқага бой тоғ ва тоғолди ҳудудларнинг борлиги тўғрисидаги кенг имкониятлар очиб берилган. Воҳада чорвачилик ривожи, насл ва турларнинг пайдо бўлиши ҳақида кўплаб тарихий адабиётлар, манбалар маълумот беради, чорвачилик дехқончилик ривожида, уни ишчи кучи билан таъминлашда энг муҳим вазифани ўтагани таъкидланади. Айниқса, қўйчиликнинг ривожланиши, наслдор қўй зотларини етиштириш туфайли аҳолининг чорвачилик маҳсулотларига талаб-эҳтиёжларини таъминлаш, чорва маҳсулотларини ҳунармандчилик асосида қайта ишлашни тараққий эттиришга имконият яратди. Воҳада қўйчиликнинг хўжалик ҳаётидаги ўрни, уларни кўпайтириш, насл олиш билан боғлиқ ҳолатлар муҳим аҳамиятга эга, шароитидан келиб чиққан ҳолда мазкур соҳага эътибор берилганлиги илмий таҳлил этилган. Шунингдек, Сурхон воҳаси аҳолисининг кундалик турмушида чорвачилик маҳсулотларининг ўрни катта эди. Чорвачилик маҳсулотларини тайёрлаш, қайта ишлаш, озиқ-овқат маҳсулоти сифатида фойдаланиш қадимий тарихга эга, воҳа аҳолиси ушбу соҳада катта тажриба тўплаган. Чорвачилик маҳсулотларини тайёрлашда қайта ишлаш технологияси оддий, соддалигига қарамай, аҳоли иқлим, минтақа ҳолатига, маҳсулотнинг одам организмига ҳазм бўлиши, соғлиқни сақлаш, танага куч-қувват беришига алоҳида эътибор қаратилганлиги ёритиб берилган. Мақолада Сурхон воҳаси аҳолисининг хўжалик фаолиятида чорвачиликнинг ривожланишида қўйчиликнинг ўрни ҳақида фикр юритилади. Воҳада табиий шароитнинг қулайлиги, кенг яйловларнинг мавжудлиги ва халқимизнинг қўй культи билан боғлиқ эътиқод ва қарашлари баён этилган.