Sharq tarix, siyosat va huquq jurnali

“Sharq tarix, siyosat va huquq jurnali” ijtimoiy fanlariga ixtisoslashgan nashr boʻlib, tarix, antropologiya, etnografiya, siyosatshunoslik, huquqshunoslik kabi ijtimoiy  sohalardagi ilmiy-amaliy innovatsion yangiliklarni har tomonlama yoritishni, jurnalxonlarning tarix, huquq va siyosat sohasidagi fanlarda kuzatilayotgan ilmiy yangilik va axborotlarga boʻlgan talab-ehtiyojlarini yanada toʻlaroq qondirishni, jurnal imkoniyatlaridan keng va samarali foydalanishni oʻz oldiga asosiy maqsad qilib qoʻyadi. Sharq tarixi, huquqi, siyosati sohasida olib borilayotgan dolzarb, yangi, ilm uchun samarador hisoblangan va taqrizdan oʻtkazgan maʼlumotlarni ommaga eʼlon qilishni eng asosiy vazifalardan hisoblanadi.

Mazkur ilmiy jurnal onlayn nashr qilinadigan boʻlib, yiliga 6-marta oʻzbek, ingliz, rus tillarida onlayn eʼlon qilinadi.

Tahririyat oʻquvchilarni mamlakatimiz va xalqaro ijtimoiy fanlar sohasida roʻy berayotgan voqea va hodisalardan, yangiliklardan xabardor etadi. Shu bilan birga jurnalda mamlakatimiz, shuningdek, jahon siyosati, xalqaro huquq sohasi namoyondalarining  ilmiy-publitsistik yoʻnalishdagi eng sara asarlari chop etiladi.