Islom tafakkuri
JURNAL HAQIDA
Ўзбекистон халқаро исломшунослик академиясининг «Ислом тафаккури» илмий журнали Ўзбекистон Республикаси Вазирлар Маҳкамаси ҳузуридаги Олий аттестация комиссиясининг тарих, исломшунослик, фалсафа ва филология йўналишлари бўйича эълон қилинган мақолалар инобатга олинувчи нашрлар рўйхатига киритилган.
Ҳажмига кўра, йил мобайнида икки юзтага яқин мақола эълон қилинувчи ушбу нашрнинг битта сонида йигирма бештагача муаллиф ўз мақоласи билан иштирок этиши мумкин.
“Ислом тафаккури” журнали йилда тўрт марта нашр этилади.
Муҳим саналар, аҳамиятга молик тадбирлар муносабати билан журналнинг махсус сони ёки бир неча сонлари зарурат юзасидан қўшма сон сифатида чоп этилиши мумкин.
“Ислом тафаккури” Ўзбекистон Миллий кутубхонаси томонидан ISSN 2181-9572 халқаро стандарт серия рақами билан рўйхатга олинган.
“Ислом тафаккури”да “Исломшунослик”, “Қуръоншунослик”, “Мозийга бир назар”, “Ислом ҳуқуқи”, “Тилшунослик”, “Диншунослик”, “Миллатлараро тотувлик”, “Фалсафий фанлар ва психология”, “Филология масалалари”, “Жаҳолатга қарши маърифат”, “Ахборот хавфсизлиги”, “Иқтисод ва зиёрат туризми” ва бошқа рукнлар мавжуд.
Электрон шакли Ўзбекистон халқаро ислом академиясининг расмий iiau.uz веб-сайтида эълон қилинувчи журналда таълим ёки илмий муассаса вакиллари, маҳаллий ва хорижий ташкилот мутахассислари ўз мақола нлари билан иштирок этишлари мумкин.
Ўзбекистон халқаро исломшунослик академиясининг ректори “Ислом тафаккури” Таҳрир кенгашининг раиси ҳисобланади.
Ўзбекистон халқаро исломшунослик академиясининг Илмий кенгаши Қарорига асосан ташкил этилган “Ислом тафаккури” журнали мазмун-мундарижасини шакллантириб, келиб тушган мақолаларни таҳрир қилувчи Таҳрир ҳайъати аъзолари академияда ёки бошқа муассасаларда хизмат қилувчи олимлар, илмий даражага ва унвонга эга мутахассислар ва муҳаррирлардан иборат. Таҳрир ҳайъатининг битта ёки бир нечта вакилининг асосли эътирозига кўра журналга жўнатилган мақола нашр этилмаслиги мумкин.
“Ислом тафаккури”да эълон қилинган мақолалар учун муаллифларга қалам ҳақи тўланмайди. Муаллиф учун бепул нусха ажратиш ҳам кўзда тутилмаган.