Muassis - Buxoro davlat universiteti.
“Buxoro davlat universiteti ilmiy axboroti” jurnali 2000-yildan boshlab 1 yilda 6-marta chop etilmoqda. Shartli bosma tabog‘i 25,30  adadi  100 nusxani tashkil etadi. Maqolalar o‘zbek, rus va ingliz tillarida beriladi. Jurnal O‘zbekiston Matbuot va axborot agentligining 2007-yil 1-fevraldagi ommaviy  axborot vositasini ro‘yxatga olish to‘g‘risidagi №05-039 guvohnomasi bilan ro‘yxatdan o‘tgan.
Bosh muharrir - Xamidov Obidjon Xafizovich, iqtisodiyot fanlari doktori, professor.
2003-yildan Filologiya yo‘nalishi bo‘yicha O‘zR OAK tassarufida kiritildi.  Jurnalda ilmiy maqolalarni chop etish bo‘yicha Aniq va tabiiy fanlar, Tilshunoslik, Adabiyotshunoslik, Navoiy gulshani, Falsafa va huquq, Tarixshunoslik, Iqtisodiyot, Pedagogika ruknlari mavjud. Nashr muqovasidagi ma’lumotga asosan jurnal Respublika oliy o‘quv yurtlarnining professor-o‘qituvchilari, katta ilmiy xodim-izlanuvchilar, magistr va bakalavr talabalar, ilmiy tekshirish muassasalari ilmiy xodimlari, akademik litsey, kasb-hunar kollejlari o‘qituvchilari hamda umumiy o‘rta ta’lim va xalq xo‘jaligining  turli sohalarida xizmat qilayotgan ilmiy xodimlar uchun mo‘ljallangan. Jurnalda mamlakatimiz va jahonda o‘z yechimini kutayotgan dolzarb muammolarga bag‘ishlangan maqolalar, ilmiy-tadqiqot ishlarining natijalari, mamlakatimiz hamda xorijdagi fan va texnikaga oid yangiliklar, yangi pedagogik texnologiyalarga doir ilmiy xabarlar chop etiladi. Jurnal materiallari hajmiga qarab, 200-240 sahifada nashr qilinadi.
“BuxDU ilmiy axboroti” jurnali universitet va respublika miqyosida barcha yo‘nalishlar bo‘yicha ilmiy maqolalarni muntazam chop etib borayotganligi sababli ko‘p yillardan buyon uni boshqa (masalan, kimyo, biologiya, matematika, pedagogika kabi) yo‘nalishlar bo‘yicha ham O‘zR OAK tasarrufiga kiritishga talab yuqoriligini inobatga olib, 2015-yilda  “Fizika-matematika”, “Siyosatshunoslik” yo‘nalishlari O‘zR OAK tasarrufiga kiritildi va shu bilan birgalikda jurnal sahifalari turli sohaga oid dolzarb materiallar bilan boyitib borilmoqda.
      2014-yildan maqolalar O‘zR OAKning yangi talabalari asosida, yangi dizaynlar qo‘llanilib,  maqolalar chop etilmoqda.