Ilmiy-ommabop “Bola va Zamon” jurnalida ilmiy sifat talablariga javob beradigan ilmiy-ommabop va amaliy maqolalar quyidagi yo‘nalishlar bo‘yicha chop etiladi:

Xususan, pedagogika, psixologiya va huquqshunoslik yo‘nalishlari bo‘yicha oliy ta’lim muassasalari professor-o‘qituvchilari tomonidan olib borilayotgan ilmiy tadqiqotlar keng yoritiladi.

Hamdo‘stlik mamlakatlari mutaxassislari hamda yetakchi olimlarning tadqiqot natijalari nashr etiladi.

Bolalarning huquqiy maqomini belgilash, ularning huquqlarini himoya qilish va bolalar bilan bog‘liq boshqa muammolarni hal etishga ko‘maklashuvchi tashkilotlar faoliyati muntazam yoritib boriladi.

Bolalarda rivojlanishdagi buzilishlar, ularning kelib chiqish sabablari va ularni bartaraf etish yo‘llari bo‘yicha tibbiyot xodimlarining tavsiyalarini aks ettiruvchi maqolalar chop etiladi.

Bolaning shaxs sifatida shakllanishi va tarbiyasi jarayonida yuzaga keladigan barcha savollarga javoblar beriladi.

Jurnal tahririyatining asosiy maqsadi — jamoatchilikni psixologlar, pedagoglar va boshqa mutaxassislarning amaliy faoliyati, ularning barkamol avlodni tarbiyalashga, ma’naviy va axloqiy yetuk yoshlarni voyaga yetkazishga qaratilgan ilmiy tadqiqotlardagi yutuqlari bilan tanishtirish hamda ushbu natijalarni amaliyotga joriy etishga ko‘maklashishdir.