SURUNKALI BUYRAK YETISHMOVCHILIGIDA ZAMONAVIY DAVOLASH YONDASHUVLARI

Ushbu maqolada surunkali buyrak yetishmovchiligi (SBY)ning zamonaviy etiopatogenetik jihatlari, erta diagnostika usullari va davolashning konservativ hamda zamonaviy substitutsion (gemodializ, peritoneal dializ, buyrak transplantatsiyasi) yondashuvlari tahlil qilingan. Tadqiqot davomida 2020–2025yillar oralig'idagi xalqaro va mahalliy adabiyotlar, shuningdek klinik amaliyot ma'lumotlari umumlashtirildi. Natijalar SBYning erta bosqichlarida nefroprotektiv terapiya, qandli diabet va arterial gipertenziyani nazorat qilish, hamda multidisiplinar yondashuvning kasallik progressiyasini sezilarli darajada sekinlashtirishini ko'rsatadi. Maqola amaliyotchi shifokorlar uchun zamonaviy davolash algoritmlari bo'yicha amaliy tavsiyalar bilan yakunlanadi.