KURSANTLARDA STRESSGA CHIDAMLILIKNING IJTIMOIY-PSIXOLOGIK MOHIYATI VA NAZARIY YONDASHUVLARI

Mazkur maqolada kursantlarda stressga chidamlilikning ijtimoiy-psixologik mohiyati, uni shakllantiruvchi omillar hamda zamonaviy ilmiy yondashuvlar tahlil qilindi. Harbiy ta'lim muassasalarida ta'lim olayotgan kursantlar faoliyati yuqori darajadagi ruhiy zo'riqish, jismoniy yuklama, qat'iy intizom va mas'uliyat bilan tavsiflanadi. Ushbu omillar stressga chidamlilikni kursant shaxsining muhim kasbiy sifati sifatida namoyon qiladi. Tadqiqot davomida ilmiy adabiyotlarni tahlil qilish, tizimli yondashuv, qiyosiy tahlil hamda umumlashtirish metodlaridan foydalanildi. Natijalar stressga chidamlilikni rivojlantirishda shaxsning individual psixologik xususiyatlari, motivatsiyasi, emotsional barqarorligi, ijtimoiy qo'llab-quvvatlash va psixologik tayyorgarlik muhim ahamiyat kasb etishini ko'rsatdi. Tadqiqot natijalari harbiy ta'lim muassasalarida psixologik xizmat faoliyatini takomillashtirish hamda kursantlarning kasbiy tayyorgarligini oshirishga xizmat qiladi.