САМАРҚАНД ВИЛОЯТИ АҲОЛИСИНИНГ МИЛЛИЙ ВА ИЖТИМОИЙ ТАРКИБИ (1926 ЙИЛГИ БУТУНИТТИФОҚ АҲОЛИНИ РЎЙХАТГА ОЛИШ НАТИЖАЛАРИ АСОСИДА)

Илмий мақолада 1926 йилги Бутуниттифоқ аҳолини рўйхатга олиш маълумотлари асосида Самарқанд вилояти аҳолисининг миллий ва ижтимоий таркиби ўрганилган ва илмий жиҳатдан таҳлил қилинган.Мақоладаги аҳолининг миллий таркиби уларнинг жойлашуви ҳақидаги маълумотлар ўзининг долзарблиги ва дастлаб илмий муомилага киритилаётганлиги билан фарқланади. Шу билан биргаликда илмий ишда аҳолининг ижтимоий таркибини ўрганиш бўйича ҳам қатор илмий хулосалар ўртага ташланган, манбаларнинг гувоҳлик беришича шаҳар ҳудудларида яшовчи иш билан банд аҳолининг асосий қисми ҳунармандчилик ва қўл меҳнатига асосланган ишлаб чиқариш билан банд бўлган. Қишлоқ ҳудудларида эса аҳоли асосан деҳқончилик маҳсулотлари етиштирганлар. Ишчилар фаолият тури бўйича мустақил ва номустақил фаолият олиб борувчи гуруҳларга ажратилган. Юқорида аҳолининг миллий ва ижтимоий таркиби ҳақида берилган маълумотлар совет даври ва мустақиллик йилларида шу соҳа бўйича илмий тадқиқот олиб борган олимларнинг илмий хулосалари ҳамда Ўзбекистон Республикаси Марказий Давлат Архивида сақланаётган манбалар асосида тайёрланган бўлиб ундан мавзу бўйича илмий тадқиқотлар олиб борувчилар ҳамда қизиқувчилар ўзлари учун қимматли маълумотларга эга бўладилар.