МИЛЛИЙ ҒОЯ ВА ЎЗЛИКНИ АНГЛАШДА ҚАДРИЯТЛАРНИНГ ЎРНИ

Ушбу мақолада қадрият тушунчаси, унинг мазмун-моҳияти очиб берилади. Шунингдек қадрият тушунчасига соҳа олимлари томонидан берилган таърифлар келтирилиб, муаллиф уларга ўзининг ёндашувини баён этади. Мустақиллик йилларида қадриятларга муносабат ва уларнинг моҳиятига янгича ёндашувнинг шаклланиши, шунингдек, «миллий ғурур», «миллий ифтихор», «миллий ҳис», «миллий руҳ», «миллий характер» тушунчаларининг мазмун-моҳияти очиб берилади. Миллий қадриятлар миллат эҳтиёжи, манфаатлари, мақсадларига хизмат қиладиган моддий ва маънавий мерос мажмуасини ташкил қилиши ва миллий мерос ўзликни англашнинг таркибий қисми эканлиги тўғрисида илмий хулосалалар чиқарилади. Шу билан бирга муаллиф мақоланинг хулоса қисмида, дунёда халқларнинг миллий-маданий мероси, урф-одат ва анъаналарига қараш бир хил бўлмаган шароитда, уни «замондан орқада қолиш», «тараққиётга ҳалақит қилувчи омил сифатида қарашлар» миллий ғоя мақсадларига, негизлари бўлган урфодат, анъаналарнинг ҳақиқий моҳиятига тўғри келмалмаслигини эътироф этади.