“Matematika Instituti Byulleteni” elektron jurnali.

Ushbu jurnal O'zbekiston Respublikasi Fanlar akademiyasi, V.I.Romanovskiy nomidagi Matematika instituti va O'zbekiston Matematika Jamiyati tomonidan 2018-yilda ta'sis etilgan bo'lib, matematikaning turli yo'nalishlarida olingan ilmiy natijalarni chop etish uchun mo'ljallangan. Ilmiy maqolalar o'zbek, rus va ingliz tillarida qabul qilinadi. Ushbu jurnal O'zR OAK ning ilmiy jurnallar ro'yxatiga qo'shilgan (2019-yil, 28 martdan).
 

Jurnalda asosan yangi va hech qayerda e’lon qilinmagan ilmiy ishlarni qabul qilgan holda, u matematikaning matematik analiz, algebra, differensial tenglamalar va matematik fizika, funksional analiz, ehtimollar nazariyasi va matematik statistika, hisoblash usullari va boshqa muhib bo’limlariga aloqador ilmiy ishlanmalarni chop etishga mo’ljallangan.

Tahririyat a'zolari ham matematikaning turli ilmiy yo'nalishlarida tadqiqot olib borayotgan mutaxassislar bo'lib, jurnal faoliyatida muhim ahamiyatga egalar.

Elektron jurnalning o'ziga xosligi shundaki, chop etish uchun topshiriladigan ilmiy maqolalar hajmiga cheklov qo'yilmaydi.

Har bir maqola o’sha sohaning yetuk mutaxasislari tomonidan taqriz qilinadi va taqrizdan ijobiy o’tgan maqolalargina chop etishga qabul qilinadi.

Jurnal tarkibiy qismi quyidagi ko’rinishdan iborat.

1. Jurnal muqovasi
2. Tahririyat a’zolari haqida ma’lumot
3. Mundarija
4. Ilmiy maqolalar (bunda maqolalar alifbo tartibida qo’yiladi).

Jurnalga maqolalar o’zbek, rus va ingliz tillarida qabul qilinadi.