Мақсад: сурункали юрак етишмовчилиги бўлган беморларда ўқитишнинг ва фаол амбулатор олиб боришнинг беморларнинг даволашга риоя қилишига, гемодинамика ва эхокардиография кўрсаткичларига, клиник ҳолатига ва жисмоний зўриқишга чидамлилигига таъсирини ўрганиш. Материал ва усуллар: тадқиқотга сурункали юрак етишмовчилиги билан кардиология марказига туш- ган 19 ёшдан 82 ёшгача бўлган беморлар киритилди. Даволаниш давомида беморлар билан сурунка- ли юрак етишмовчилиги тўғрисида ўқиш дарслари ўтказилган ва касалхонадан чиқиб кетгандан кейин хам телефон орқали фаол мулоқот олиб борилган. Кузатиш мобайнида (12 ой) қуйидаги параметрлар динамикаси таҳлил қилинган: беморларнинг клиник ҳолати, 6-дақиқалик юриш масофаси тести, эхо- кардиография маълумотлари бўйича юракнинг структур ва функционал кўрсаткичлари ва жисмоний зўриқишга чидамлилик. Натижалар: сурункали юрак етишмовчилигининг асосий сабаби юрак ишемик касаллиги (58,8 %) бўлиб, ярмидан кўпи артериал гипертония билан бирлашган. Беморларни ўқитиш, шифокор тавсия- ларига риоя этиши ва динамик мониторингни ўтказиш беморларни даволашга риоя қилишини етар- лича юқори даражада ушлаш имконини берди. Барча клиник ҳолатни объективизация қилиш усул- лари бўйича (гемодинамика ва эхокардиография кўрсаткичлари, клиник ҳолатни баҳолаш шкаласи, 6 дақиқали юриш масофаси тести) статистик ишончли ижобий динамика олинган. Буларнинг ҳаммаси беморларни ўқитиш, фаол амбулатор олиб бориш ва адекват даволашнинг юрак-қон томир тизими- нинг асосий кўрсаткичларига ижобий таъсиридан далолат беради.