Мақсад: Шахс психологик хусусиятларини ЮИК ва артериал гипертония (АГ) мавжуд беморларни да- волаш жараёнига тарафдорлик даражасига таъсирини ўрганиш. Материал ва усуллар: ЮИК, зўриқиш стенокардияси ФС II–III ва I–III даражали АГ ташхисли икка- ла жинсга мансуб 102 бемор орасида сўровнома ўтказилди. Даволашга тарафдорликни баҳолаш учун MMAS – 8–Item сўровномаси қўлланилди. Психоэмоционал ҳолатни аниқлашда хавотир ва депрессия шкаласи – HADSдан фойдаланилган. Шахснинг Д типини аниқлаш DS14 сўровномаси ёрдамида амал- га оширилди. Асосий натижалар: Дистрессор Д типли беморлар–14(50 %) Д типи мавжуд бўлмаган шахсларга – 27 (36,5 %) қараганда даволашга анча паст тарафдорлик кўрсаткичларига эга бўлишган. Д типли шахслар салбий оқибатлар, хусусан, юқори даражадаги депрессия – 28,6 % ва хавотир 17,9 % ҳолларда вужуд- га келишига мойилдир. Шуниндек, шахс типидан қатъи назар, аралаш хавотир-депрессив ҳолатлар ва айниқса депрессиянинг мавжудлиги ЮИК ва АГли беморларнинг даволашга тарафдорлик даражаси- га салбий таъсир кўрсатади, бироқ психологик дистресс кузатилмаган хавотир давога амал қилишни ошириш хусусиятига эгалиги аниқланди. Хулоса: Шундай қилиб, шахснинг Д типи ва депрессия мустақил равишда паст тарафдорликнинг предикторлари бўлиб, психологик дистресс ва депрессиянинг биргаликда учраши эса ЮИК ҳамда АГ ли беморларда доимий даво тавсияларига амал қилмаслик хавфини 3,4 баробарга ошириши ҳисобланади