Замонавий интервенцион кардиологияда тож томирлардаги торайган қисмларда қон-айланишини ти- клаш учун кенг миқёсдаги томир ичи мосламалари мавжуд. Бироқ ушбу мосламаларни эффективли- ги, ҳамда уларнинг қўлланилиши хақида беморларнинг шахсий фиклари қарама-қарши характерга эга, шунинг учун тадқиқотимизнинг мақсади биосўрилувчан томир каркаслари (BVS ) ва замонавий дори қопламали стентлар (DES) ўрнатилган беморларни госпитал давр ва узоқ муддатларда ҳаёт сифатини ўрганишдан иборат. Тадқиқотнинг материали бўлиб ЮИК бўлган 200та беморнинг ангиографик ва клинико-функционал маълумотлари хизмат қилди. Беморларнинг ўртача ёши 54,43 ± 10,01 ни ташкил қилган. Беморлар- нинг характеристикаси ЮИК шаклидан ва имплантация қилинган мослама туридан келиб чикиб тахлил қилинди. Тадқиқот давомида шу аниқландики, бошланғич даврда беморлар соғлигининг фақатгина жисмоний компоненти чегарланиб қолмай, балки сезиларли рухий тушкунлик ҳам бўлган. Касалликнинг ўткир шаклида ҳаёт сифатини (ҲС) ташкил қилувчи омиллардан жисмоний соғлигини белгиловчи омил сурункали ЮИК шаклига нисбатан анча сезиларли ёмон бўлган, бу ўз навбатида кардиалгиянинг тўсатдан пайдо бўлиши ва жисмоний фаолликнинг кескин чегераланиши билан боғлиқлиги аниқланди. Динамикада SF–36 шкаласи барча гарадацияларида яхшиланиш кузатилди. Ҳаёт сифати шкаласида ўрнатилган имплантлар турига боғлик бўлган сезиларли ўзгариш аниқланмади (хаммаси р > 0,05). Бу эса ҳаёт сифатини интервенцион аралашувдан кейин ўрнатилган имплантлар туридан катъий назар яхшиланишини тасдиқлади.