Долзарблик. Коронар артериянинг хавфли проксимал шикастланиши аорто-коронар шунтлаш амали- ётларининг натижаларига таъсир қилувчи хавф омилларидан бири ҳисобланади. Айниқса, бу амалиёт- ларни сунъий қон айлантириш ва кардиоплегия шароитида ўтказиладиган турларига хосдир. Бу каби шикастланишнинг ишлаб турган юракда аорто-коронар шунтлаш амалиётларининг натижаларига таъ- сири ҳақида маълумот жуда ҳам кам. Материаллар ва усуллар. 2015–2018 йилларда РИКИАТМнинг кардиохирургия бўлимида 500 ишлаб турган юракда аорто-коронар шунтлаш амалиёти бажарилди (бу умумий бажарилган 516 коронар шунтлаш амалиётининг 96,9 % ташкил этди). Коронар артерияларнинг шикастланиш типига кўра бе- морлар иккита гуруҳга бўлинган: I гуруҳ – 222 (44,4 %) чап бош коронар артерия ва проксимал ПМЖВ ва ОА артерияларининг шикастланишига эга бўлган беморлар ва II гуруҳ – 278 (55,6 %) ва бу каби ши- кастланиш йўқ бўлган беморлар. EuroSCORE хавф-калькулятори асосида ҳисобланган асорат ва ўлим хавфи I гуруҳда ўртача 4,32 баллни (ёки 4,63 %), II гуруҳда эса бу кўрсаткич 3,43 баллни (ёки 3,83 %) ташкил этди (p = 0,06). Натижалар. Амалиётларнинг ўртача давомийлиги гуруҳлар уртасида сезиларли даражада фарқ қилмади ва I гуруҳда 228 дақиқани ва II гуруҳда 232 дақиқани ташкил этди. Ҳар иккала гуруҳда дистал анастомозларнинг сони учтадан зиед булди (I ва II гуруҳда бемор бошига 3,2 ва 3,1 дистал анасто- моз). Госпитал ўлим кўрсаткичи I гуруҳда 1,3 % ва II гуруҳда 1,1 % ташкил этди. Хулоса. Коронар артерияларнинг хавфли проксимал шикастланиши бўлган беморларда аорто-коро- нар шунтлаш амалиётлари хавфсиз усул бўлиб, миокард реваскуляризациясининг тўлиқлиги ва бу каби шикастланиш бўлмаган беморларда бўлгани каби паст даражадаги асорат ва ўлим даражаси би- лан бажарилиши мумкин.