Ушбу мақолада 2018 йилда бошланган ўткир миокард инфаркти (ЎМИ) бўйича Миллий Регистрнинг дастлабки натижалари келтирилган. Тадқиқот материали ва услублари: ЎМИ ўтказган беморларни мониторинг қилиш ва зарур ҳамда тўлақонли аҳборот йиғиш учун РИКИАТМ нинг ЮҚТК парофилактикаси бўлими ҳодимлари томонидан махсус сўровнома – «регистр картаси» ишлаб чиқилди. Тақдим этилган мақолада 2018 йил ичида РИ- КИАТМ шароитида ЎМИ ташхиси билан даволанган 202 та беморнинг анкета маълумотлари дастлабки таҳлили баён қилинган. Натижалар: ЎМИ миокард шикастланиши чуқурлигидан қатъий назар аёлларга нисбатан кўпроқ эр- какларда учраган (мувофиқ равишда 56 тага қарши 146 та). 56–65 ёшдаги беморлар тоифаси ЎМИ ривожланиши муносабатида мойилроқлиги аниқланди, бунда эркакларда ЎМИ аёлларга нисбатан ёшроқ вақтида ривожланади (р<0,001). Текширилаётган танловда Q ли ЎМИ Q сиз ЎМИ га нисба- тан кўпроқ (мувофиқ равишда 59,9 % 40,1 % га қарши) ва асосан ёш шахсларда учраган (Q ли ЎМИ ўтказган беморлар ўртача ёши Q сиз ЎМИ ўтказган беморларга нисбатан 2,9 ёшга камроқ бўлган). Умуман гуруҳ бўйича ЎМИ энг кўп чап қоринчанинг олдинги деворида локализация бўлган (90 та (40,1 %) беморда), циркуляр ЎМИ энг кам ҳолларда учраган (7 та (3,5 %) беморда). Q ли ЎМИ да кўпинча чап қоринчанинг олдинги ва ён девори, Q сиз ЎМИ да эса орқа ва олдинги-септал деворлар шикастланган. Стенотик шикастланишлар учраши таққослама≥50 % бўлишига ва TIMI шкаласи бўйича учтадан ортиқ хавф омили мавжудлигига қарамай, Q ли ЎМИ да ўлим хавфи юқори бўлган беморлар сони Q сиз ЎМИ га нисбатан кўпроқ бўлган, бироқ фарқ ишончлилик даражасига етмаган. Хулоса: ЎМИ бўйича Миллий регистрнинг дастлабки натижалари ЎМИ ривожланиши хавфининг асо- сий омилларини объектив аниқлаш, уларнинг касаллик кечишига таъсирини баҳолаш ва нохуш про- гнознинг эҳтимол қилинган предикторларини аниқлаш мақсадида кейинги маълумотларни йиғиш ва таҳлил қилиш зарурати тўғрисида далолат беради.