Ҳозирги замонда техник тараққиёт ўткир миокард инфаркти (ЎМИ) ривожланиши хавфининг асосий омилларидан бири бўлган семизликка дучор бўлган шахслар сони ортишини таъминлаб берди. Тадқиқот материали ва услублари: ЎМИ ли беморлар мониторингини ўтказиш ва зарур ҳамда тўлиқ маълумот тўплаш учун РИКИАТМ ЮҚТК профилактика қилиш бўлими ҳодимлари томонидан махсус сўровнома – «регистр-картаси» ишлаб чиқилди. Тақдим қилинган мақолада марказ клиникаси ша- роитида даволанган ЎМИ ли беморларнинг дастлабки таҳлили маълумотлари баён қилинган. 202 та кишидан 191 таси (94,6 %) да ТВИ ҳисоблаб чиқарилган. ТВИ даражасига кўра учта гуруҳ ажратилди: 1-гуруҳни нормал вазнли (ТВИ<25 кг/м2) 36 та бемор (191 тадан 18,8 %) (назорат гуруҳи); 2-гуруҳни ортиқча вазнли (ТВИ = 25–30 кг/м2) 84 та бемор (191 тадан 44,0 %); 3-гуруҳни турли даражада ифода- ланган семизликка эга (ТВИ>30 кг/м2) 71 та бемор (191 тадан 37,2 %) ташкил қилди. Фарқлар p<0,05 да ишончли деб ҳисобланди. Натижалар. Аёлларда ЎМИ эркакларга нисбатан 2,6 марта камроқ ва 8,7 йил кечроқ ривожланишига қарамай, уларда семизлик кўпроқ қайд этилади, эркакларда эса кўпроқ ортиқча тана вазн кузатила- ди. ЎМИ да беморлар ёши ва ортиқча тана вазни мавжудлиги ўртасида тескари боғлиқлик аниқланди (р>0,05), яъни тана вазни ортиши билан беморлар ёши камайган. ЎМИ ли беморларда вазн ортиши билан айниқса углеводлар алмашинуви бузилиши билан боғлиқ коморбид патологиянинг ортиши қайд этилди (р < 0,0001). ЎМИ нинг оғирроқ шакли (Qли ЎМИ) ТВИ > 25 кг/м2 бўлган ш ахсларда кўпроқ куза- тилди, бунда вазн тоифасига боғлиқ бўлмаган ҳолда олдинги девор ЎМИ ривожланиши учун энг заиф жой бўлиб ҳисобланди; орқа девор ҳам ортиқча тана вазнли, ҳам семизликка эга беморларда патоло- гик жараёнга жалб қилинди; чўққи сегмент энг кўп ҳолларда фақат семизликка эга шахсларда шикаст- ланди. Хулоса. Семизлик маълум даражада замонавий социумнинг эпидемияси ҳисобланади. Унинг ЎМИ каби ўткир юрак-қон томир фалокатлари ўтказган беморлар ҳаёт сифатига, прогнозига ва консерватив ёки кам инвазив даволаш услублари самарадорлигига таъсири ҳозирги кунгача баҳсли ҳисобланади, бу эса ушбу муаммони янада чуқурроқ ўрганишни талаб этади.