Ривожланиш нуқсонлари ва эрта туғруқ кўплаб мамлакатларда болаларни сурункали касаллиги, ноги- ронлиги ва ўлимнинг энг мухим сабабидир. Тадқиқот мақсади: туғма юрак нуқсони (ТЮН) бўлган болалар туғилишига сабабчи бўлган энг мухим биологик ва тиббий-ижтимоий хавф омилларини аниқлаш. Материал ва тадқиқот усуллари: 2007 йилдан бошлаб 14 ёшгача бўлган болалар орасида туғма нуқсонлар, шу жумладан тўғма юрак нуқсонлари билан касалланиш даражаси бўйича ретроспектив тахлил, тўғма юрак нуқсонли болалари бор аёллар орасида сўровнома ўтказилди. Текширувлар натижалари: Республикада болалар ахолиси ўртасида тўғма нуқсонлар билан касал- ланиш холатлари тахлили шуни кўрсатдики, сўнги 10 йил ичида (2007–2016 йиллар) умумий касалла- ниш камайган (1.4 бараварга). Республикада болалар орасида тўғма нуқсонлар тузилишида уларнинг 1/3 қисми тўғма юрак нуқсонлари хисобланади. Тўғма юрак нуқсонларнинг келиб чиқишига сабабчи бўлган асосий омилларга хомила вақтида аёлнинг ёши, қариндошлар орасидаги никох, аёлда экстрагенитал касалликларнинг борлиги, вирус инфекция- лар, хомиладорлик вақтида дори дармонларни истеъмол килинганлиги киради. Республикамизда 2018–2022 йиллар учун болаларда туғма ва орттирилган касалликларни эрта аниқлаш Давлат дастури қабул қилинган бўлиб, уни амалга ошириш орқали туғма ривожланиш нуқсонлари, шу жумладан, туғма юрак нуқсони бор болалар туғилишини камайтиришга эришилади.