Миокард инфаркти ўтказган беморларда эрта ўлим хавфини олдиндан башорат қилиш жиддий ва охиригача хал қилинмаган муаммо бўлиб қолаётганлиги сабабли, изланувчиларда янги технологиялар ўйлаб топишга туртки бўлмоқда. Миокард инфаркти ўтказган ва қоринчалар аритмияси мавжуд бўлган беморларда тўсатдан коронар ўлимни олдиндан аниқлашда юрак ритми турбулентлигини баҳолаш нисбатан янги проспектив ноинвазив метод хисобланади. Мухим прогностик аҳамиятини хисобга олган холда, миокард инфаркти ўтказган беморларда юрак ритми турбулентлилигини юрак қон томир тизими ремоделланиши кўзатилганда ва коронар қон томирлар шикастланиши кўп томирли характерли, шунингдек қоринчалар аритмияси билан ўзаро боғлиқлигини ўрганиш илмий мақоланинг асосий мақсади хисобланди.