Мақолада Ўзбекистон Республикасида илк бор ўтказилган миокарднинг ўткир инфаркти (МЎИ) Миллий Реги- стрининг баъзи натижалари тахлили келтирилган. Мазкур регистрнинг зарурияти ва долзарблиги, МЎИ клиник кечишининг Фарғона водийсидаги айрим хусусиятлари ёритилган. 2809 та бемор маълумотлари таҳлили асо- сида, ўхшаш иқлимий-ижтимоий, маиший ва демографик аломатлари мавжуд вилоятларда гендер ва ёшга оид бир қатор тафовутлар аниқланган. Бундай тафовутлар асосан аёллик жинсининг ва катта ёшдагиларнинг ҳамда қандли диабет коморбидлигининг ўлим кўрсаткичига салбий таъсирида намоён бўлди. МЎИдан содир бўлувчи ўлим кўрсаткичида тромболитик терапиянинг нисбатан кам самарадорлиги факти чуқурроқ тахлил- нинг заруриятини талаб қилади.