Тўлиқ атриовентрикуляр блокада билан асоратланган юракнинг ишемик касаллигидаги 58 нафар беморларда 2016–2018 йиллар давомида «Академик В.Вахидов номидаги Республика ихтисослаштирилган хирургия ил- мий амалий тиббиёт марказининг» рентген-эндоваскуляр хирургия ва юрак аритмия бўлимида икки камерали электрокардиостимулятор бирламчи имплантация амалиёти ўтказилди. Ўнг қоринча электродини импланта- ция қилиш жойига асосланиб, беморлар икки гуруҳга бўлинди. I гуруҳга қоринчалараро тўсиқнинг ўрта учдан бир қисмига қоринча электроди имплантация қилинган, II гуруҳга эса қоринча электродининг ўнг қоринчанинг юқори қисмига имплантация қилинган беморлар киритилган. Юрак диссинхрониясини баҳолаш мақсадида натижалар электрокардиограммада QRS комплексининг динамикасига, ҳажмли функционал электрокардио- график маълумотларга ва қоринчаичи ва қоринчалараро механик тўсиқларнинг кўрсаткичларига қараб икки камерали электрокардиостимулятор имплантациясидан 12 ой ўтгач таҳлил қилинди.