Мақолада Ўзбекистон Республикасида илк бор ўтказилган миокарднинг ўткир инфаркти (МЎИ) Миллий Регистрининг баъзи натижалари таҳлили келтирилган. Мазкур регистрнинг зарурияти ва долзарблиги, МЎИ клиник кечишининг худудий тафовутларининг айрим хусусиятлари ёритилган. 6275 нафар бемор маълумотлари таҳлили асосида мамлакатнинг турли ҳудудларига хос бўлган айрим гендер ва ёшга оид қатор тафовутлар аниқланган. Бундай тафовутлар асосан аёллик жинсининг ва катта ёшдаги- ларнинг ҳамда қандли диабет коморбидлигининг ўлим кўрсаткичига салбий таъсирида намоён бўлди. МЎИдан содир бўлувчи ўлим кўрсаткичида мамлакат миқёсида тромболитик терапиянинг нисбатан кам самарадорлиги аниқланган бўлса-да, айрим ҳудудларда бу даволаш услуби натижасида стацио- нар ўлим кўрсаткичи ишончли тарзда пасайгани аниқланди. Бу фактни чуқурроқ таҳлил қилиш зарури- яти мавжудлигидан далолат беради.