Мақсад: Миокард ўткир инфарктининг (МЎИ) турли шаклларида беморларда комплаентлик (врач тавсияларини бажаришга мойиллик) даражасини баҳолаш, тавсияларни бажармаслик сабабларини аниқлаш (МЎИ регистри асосида). Материал ва услублар: МЎИ мавжуд бўлган 82 нафар респондент текширилди. Комплаентликни ўрганиш сўровномани тўлдириш услубида ўтказилди. Сўров Мориски-Гриннинг махсус саволномаси ёрдамида ўтказилди. Саволнома умумий характердаги саволлар (жинс, ёш, касаллик стажи) ва бемор комплаентлиги даражасини аниқловчи саволларни ўз ичига олди. Шу билан бирга, беморларнинг тав- сияларни бажаришга мойилликларига таъсир қилувчи турли омиллар ҳам ўрганилди. МЎИ шаклига қараб беморлар икки гуруҳга ажратилди: 1 гр. – 58 нафар бемор МЎИнинг Q-тишли ва 2 гр. – 24 нафар МЎИнинг Q-тишсиз шакли билан бўлди. Натижалар: Беморлар комплаентлигини қиёсий таққослаш МЎИнинг шаклига боғлиқлиги шуни кўрсатдики, 2-гуруҳда Мориски-Грин шкаласининг ўртача балли 1-гуруҳдагидан 0,21 ЎБ.га кўпроқ экан. Бунда ҳар икки гуруҳ беморлар орасида даволашга тўлиқ мойил бўлган бирорта ҳам бемор аниқланмади. 1-гр. беморлари орасида < 3 балл йиғганлар кўлами 8,1 % ни ташкил қилди, бироқ бу фарқ статистик ишончли даражада бўлмади. Битта томирли шикастланиш холларида беморларнинг даволанишга мойиллиги 1,70 балга тенг бўлиб, иккита томирли шикастланишга қараганда 0,17 балга ортиқроқ бўлди ва кўп томирли шикастланишга қараганда и на 0,19 баллга камроқни ташкил қилди (барчасида р>0,05). Мазкур натижаларни биз, биринчидан, беморлар сонининг камлиги ва иккинчидан анамнезида битта томирли шикастланишга эга бўлган беморлар каби МЎИни бошдан кечирган бе- морлар кўламидан деб қабул қилдик. Беморлардаги комплаентлик пастлиги сабабларининг таҳлили шуни кўрсатдики, респондентларнинг 50 % ига яқинида – дорини қабул қилишни ёддан кўтарилиши ёки эътиборсизлик асосий сабаблардан бўлган; 15,8 % ида – ўзини яхши ҳис қилиш, яъни беморлар дориларни ахволлари ёмонлашгандагина қабул қилганлар; 3,7 % ҳолда – «интернет-терапия» саббаб бўлган, яъни беморлар ижтимоий тармоқлардаги ахборотларга таяниб, ҳатто уларни нотўғри талқин қилган ҳолда, врач тавсияларини бажармай қўйганлар. Ҳулоса: Тадқиқотнинг илк босқичларида текширилувчиларнинг 89,0 % и даволашга кам эътиборли ёки умуман эътиборсизликлари билан намоён бўлдилар, айниқса, Q-тишли МЎИ билан оғриган беморлар касалликнинг Q-тишсиз шаклига эга бўлган беморларга нисбатан суст комлаентликни намоён этдилар. Комлаентликнинг даражаси шикастланган тож томирларнинг сони ва томирнинг атеросклеротик ши- кастланишнинг узунлигига нисбатан тескари корреляцияга эга бўлиб, шунингдек, комплаентлик дара- жаси қанчалик паст даражада бўлса МИнинг шунчалик оғир шакли (Q-тишли МЎИ) ривожланиши ку- затилган, барча ҳолларда: р>0,05. Беморларда тавсияларга нисбатан паст комплаентликнинг асосий сабабларини – ёддан кўтарилиши/эътиборсизлик ташкил қилди. Ижтимоий тармоқлар маълумотлари билан танишиш эса 3,7 % ҳолларда «Интернет-терапия» синдромига олиб келиб, ўз навбатида, бемор- лар комплаентлигини пасайтирди