ОСОБЕННОСТИ ЛИПИДНОГО СПЕКТРА, ВНУТРИСЕРДЕЧНОЙ ГЕМОДИНАМИКИ И РЕЗУЛЬТАТОВ КОРОНАРОАНГИОГРАФИИ У БОЛЬНЫХ ИБС СО СМЕШАННОЙ ДИСЛИПИДЕМИЕЙ

Мақсад: Юрак ишемик касаллиги ва аралаш дислипидемияли беморларда липид алмашинуви, юрак гемодинамикаси ҳолатини ва коронароангиография натижаларининг хусусиятларини ўрганиш. Материал ва услублар: Тадқиқотга 88 нафар номуқим стенокардияли, дислипидемияли (ХС ПЗЛП ≥ 100 мг/дл) беморлар жалб қилинди. Барча беморлар триглицеридлар (ТГ) кўрсаткичига кўра 3 гуруҳга бўлинди: I гуруҳ: ТГ < 200 мг/дл, II гуруҳ: ТГ≥200 мг/дл III гуруҳ: ТГ≥300 мг/дл. Липид алмашинуви кўрсаткичларини баҳолаш “Randox” (Буюк Британия) автоанализаторида амалга оширилди. Натижалар: IIB турдаги дислипидемияли ТГ≥300 мг/дл бўлган беморларда қандли диабет ҳаққоний тарзда кўп учради, тана вазни индекси, атерогенлик окэффициенти юқори бўлди, юқори зичликдаги холестерин липопротеиди IIA туридаги ДЛП беморлар гуруҳига нисбатан ҳаққоний тарзда паст бўлди. IIB туридаги ДЛП мавжуд бўлган беморларда коронароангиография натижаларига кўра, кўп томирли шикастланиш кўп учради (II, III гуруҳларда мос равишда 6 нафар бемор, умумий олганда, 59 нафар- дан 12 тасида (20.3 %)) I гуруҳда эса бундай шикастланиш 2 марта кам учраган (29 нафаридан 3 таси- да – 10.3 %), бироқ ушбу фарқлар ноҳаққоний тусда эди. Хулоса: IIB турдаги дислипидемияли беморларда IIА турдаги дислипидемияли беморларга нисбатан қандли диабет ҳаққоний тарзда кўп учраган, уларда тана вазни индекси ва атерогенлик коэффициенти юқори бўлган, юқори зичликдаги холестерини липопротеиди ҳаққоний тарзда паст бўлган. IIB туридаги ДЛП мавжуд бўлган беморларда IIА га нисбатан кўп томирли шикастланиш кўп учраган (20.3 %). Бу эса кейинги изланишларни талаб этади.