Сурункали стабил зўриқиш стенокардиясини учта асосий тоифага бўлиш мумкин: зўриқиш, вазоспастик ва микроваскуляр, аммо миокард ишемиясини келтириб чиқарадиган бу турли хил патофизиологик шароитлар қуйидаги симптом билан бирга келади - сурункали стабил стенокардияси. Стабил стено- кардиясида миокард ишемияси бир ёки бир нечта эпикардиал тож артерияларнинг собит атероскле- ротик торайиши натижасида юзага келади. Баъзи ҳолларда стенокардия коронар спазми ва метаболик бузилишлар билан боғлиқ. Сурункали стабил стенокардиясини даволашда турмуш тарзи ўзгариши, юрак ишемик касаллиги хавф омилларини назорат қилиш, шунингдек, инвазив ва инвазив бўлмаган муолажалар, киради. Фармакологик терапия иккита асосий мақсадга эга: биринчидан, ҳаёт сифати яхшиланган ҳолда, жисмоний машқларга толерантликни ошириб, симптомларни енгиллаштириш; ик- кинчидан, юрак-қон томир ҳодисаларини, асосан миокард инфаркти ва ўлим кўрсаткичининг, олдини олиш. Ушбу мақолада фақат сурункали стабил стенокардиясининг аломатларини камайтиришга ёр- дам берадиган медикаментоз терапияси ҳақида гап боради. Симптомларни самарали бошқариш учун кўпинча икки ёки ундан ортиқ антиишемик дориларни қўшимчали ёки синергик таъсирга эга комбина- цияси зарур. Ушбу комбинациялар сурункали стабил стенокардия турига ва индивидуал беморга ҳам мослаштирилиши керак.