Мақсад: юрак-қон томир касалликлари ривожланиш хавфининг психосоциал омилларини қондаги тромбоцитлар морфологик хусусиятларига таъсирини баҳолаш. Материал ва усуллар: Тадқиқотга 102 шахс, хусусан 84 та ЮИК, зўриқиш стенокардияси ФС II–III мав- жуд 102 бемор киритилди. Психоэмоционал ҳолатни аниқлашда ҳавотир ва депрессия шкаласи-HADS дан фойдаланилган. Шахсиятнинг Д типи DS14 сўровномаси ёрдамида аниқланди. Тромбоцитлар фе- нотипини баҳолаш оқимли цитометрия усулида ХN 1000 русумли юқори технологик гемоанализаторда ўтказилди. Натижалар: Хавотирли-депрессив синдром (ХДС) мавжуд I гуруҳ беморларида тромбоцитларнинг ўртача сони (PLT) 312,1 ± 17,17×109/л, ҳамда шахсияти Д типидаги беморларда PLT қиймати ўртача 316,7 ± 17,54×109/л ни ташкил этиб, ХДС бўлмаган беморлар гуруҳидаги ўртача PLT – 220,4 ± 10,48×109/л дан сезиларли даражада устун бўлган (р < 0,001). Тромбоцитлар тақсимланиш кенглигининг ўртача қиймати (PDW) I гуруҳдаги беморларда ўртача 17,0 ± 0,94 fL бўлган, бу эса таққослама гурух кўрсаткичларига нисбатан 13,6 ± 0,76 fL ишонарли даражада юқори (р < 0,05). Хавотир ва депрессия фонида I гуруҳдаги беморларда тромбоцитлар миқдори ўртача кўрсаткичи (MPV) 11,3 ± 0,42 fL таш- кил қилган ҳолда, таққослаш ва назорат гуруҳи кўрсаткичларидан устунлиги аниқланган, 9,7 ± 0,23 ва 8,7 ± 0,28 fL, мос равишда (р < 0,001). Хулоса: ЮИК мавжуд беморлар қонида тромбоцитларининг морфологик хусусиятлари ўзгариши шах- сиятнинг Д тури билан боғлиқ ҳолда ХДС салбий таъсиридан келиб чиқади.