Муаммонинг келиб чиқиши. Дунёда аҳоли сонинг тўхтовсиз ўсиб бориши натижасида ер, сув ва қишлоқ хўжалиги маҳсулотларига бўлган талаб йилдан-йилга ортиб бормоқда. Мавжуд экин майдонларининг ҳосилдорлигини оширишда ва маҳаллий хом ашёлардан олинадиган тупроқнинг таркиби атроф-муҳитнинг ифлосланиши ҳамда инсонларнинг соғлигига салбий таъсир этмайдиган препаратларни синтези бўйича тадқиқотларни тақозо этади. Республикамизнинг қишлоқ хўжалигида пахта ҳосилини қисқа муддатда йиғиш эса сифатли ва комплекс таъсирга эга бўлган кам заҳарли дефолиантларни яратишни талаб этади. Ишнинг мақсади. Тадқиқотнинг мақсади – макроэлементнинг комплексли тузи ва натрий монокарбамидхлорати асосидаги комплекс таъсир этувчи пахта дефолиантини олиш жараёнини физик-кимёвий асослашдир. Методологияси. Комплекс таъсир этувчи хусусиятга эга дефолиантни олиш жараёнини физик-кимёвий асослаш учун, макроэлементнинг комплексли тузи ва натрий хлорат монокарбамидлардан иборат системалардаги эритмаларни эрувчанлиги ва реологик хусусиятлари тўғрисида биринчи марта маълумотлар олинди. Дастлаб макроэлементнинг комплексли тузи ва натрий хлорат монокарбамиди синтез қилиниб, улар кимёвий анализлар ёрдамида таркиблар текширилган. Синтезни амалга оширишда электр термостатик сув хаммоми DK-98-II A, қиздирувчи магнитли аралаштирич ММ-2 А, айлантирувчи буғлатгич RE100-pro (DLab) ва қуритиш шкафи ШС80-01 нт СПУ 2001 (+200 0С) қурилмалардан фойдаланилган. Ишни бажаришда визуал-политермик ва пикнометрли усуллардан фойдаланилган. Визкозиметр ВПЖ ёрдамида эритманинг қовушқоқлиги текширилди. pH кўрасткичини METTLER TOLEDO FE 20/FG 2 pH метр ва нур синдириш кўрсаткичи рефрактометр PAL-BX/RI орқали аниқланган. Илмий янгилиги. Этилендиаминтетраацетатнинг кальций-динатрийли тузи ва карбамид, натрий хлорати ва сувдан иборат системаларни таркибий қисмларини ўзаро таъсири бўйича физиккимёвий асослар яратилди ва бу тизимни политермик эрувчанлик диаграммаси тузилди. Таркибида макроэлементларнинг комплексли тузлари бўлган комплекс таъсир этувчи дефолиант олиш жараёнини асослаш учун [60%NaClO3·CO(NH2)2+40%H2O]- C10H12CaN2Na2O8системасининг “таркибхоссалари” ўрганилди. Тадқиқот натижалари физиологик фаолликка эга бўлган суюқ дефолиант олиш имкониятини кўрсатиб турибди. Олинган натижиалар. Икки компонентли системалар ва ички кесимлар ёрдамидаNaClO3·CO(NH2)2-C10H12CaN2Na2O8-H2Oсистеманинг политермик эрувчанлик диаграммаси 35,2 дан 60°С гача ҳарорат оралиғида тузилди. Политермик эрувчанлик диаграммасида музнинг CO(NH2)2, NaClO3·CO(NH2)2, C10H12CaN2Na2O8·2H2O ваC10H12CaN2Na2O8 кристалланиш майдрнлари чегараланди. Келтирилган маълумотларга кўра система оддий эвтоник турга тегишли. Таркибий қисм нисбатларига қараб [60%NaClO3·CO(NH2)2+40%H2O]-C10H12CaN2Na2O8 системаси эритмаларининг ҳарорати, кристалланиши, қовушқоқлиги, зичлиги, pH муҳитлари ва нур синдириш кўрсатгичи аниқланган. Хусусиятлар: - системадаги компонентларнинг кристалланиш соҳалари белгиланди; - NaClO3·CO(NH2)2-C10H12CaN2Na2O8-H2O системанинг тўлиқ музлаш ҳарорати -35,2 дан 60°С гача эрувчанлиги бўйича янги маълумотлар олинди ва политермик эрувчанлик диаграммаси тузилди;