Артериал гипертензия ҳамда қандли диабет касаллиги ҳамроҳ келган беморларда уйқу артериялари ва юрак ичи гемодинамикаси ҳолати кўрсаткичларининг ўзаро боғлиқлиги ўрганилди. Текширувга арте-риал гипертензия ҳамда қандли диабет билан оғриган беморлар киритилди. Биринчи гуруҳ беморлари II–III даража АГ билан оғриган 30 кишидан, иккинчи гуруҳ эса II–III даражали АГ ва қандли диабетли 30 кишидан таркиб топди. Шу нарса маълум бўлдики, умумий уйқу артерияси интим-медиа қалинлиги биринчи, иккинчи гуруҳларда чап қоринча миокард массаси ва чап қоринча миокард массаси индекси билан корреляцияда бўлди, тўғри мўтадил корреляцион боғлиқлик интим-медиа қалинлиги ва қолдиқ систолик ўлчам, қолдиқ диастолик ҳажм орасида кузатилса, умумий уйқу артерияси интим-медиа қалинлиги зарб фракцияси билан тескари корреляцияда бўлди.