Аннотация: Мақолада Ўзбекистон Республикаси Фанлар академияси Тарих институти илмий жамоаси томонидан “JADID.UZ” электрон платформасини яратиш” илмий-амалий лойиҳаси бўйича олиб борилаётган тадқиқот ишлари тўғрисидаги маълумотлар ёритилган. Ушбу платформа Туркистон жадид-маърифатпарварларининг ҳаёти, ижтимойи фаолияти, аянчли тақдири, илмий-адабий меросини ўз ичига камраб олган яҳлит электрон базасини шакллантиришга хизмат қилади. Мазкур илмий-амалий тадқиқот лойиҳани муваффақиятли амалга ошириши натижасида XIX аср охири – XX аср биринчи чорагида яшаб ижод этган маърифатпарвар, тараққийпарвар жадидлар ҳақидаги миллий ва хорижий кутубхоналар, архив ҳамда музей фондларида сақланаётган барча турдаги маълумотлар, хусусан, мақола, рисола, аудио-видео, фото ва жадидларнинг шахсий буюмлари, расмий ҳужжатлар жамланиб, тарих, миллий тил ва имло, адабиётшунослик, фалсафа ҳамда санъатшунослик йўналишидаги асарларини изоҳли библиографияси тузилади, тавсифланади ҳамда тарихшунослиги ўрганилади.