Ushbu maqolada mustaqil O‘zbekiston Konstitutsiyasining qabul qilinishi, milliy qadriyatlarimiz, adolatli fuqarolik jamiyati, demokratik huquqiy davlat qurish, konstitutsiyamizning bosh yo‘nalishi - insonni va uning hayotini ulug‘lash ekanligini, inson va uning hayoti, erkinligi, sha’ni, qadr-qimmati hamda boshqa daxlsiz huquqlari oliy qadriyat hisoblanishi yoritilgan. Konstitutsiyaga kiritilgan o‘zgartishlarda xalq farovonligini oshirish va turmushini yaxshilashga alohida e’tibor qaratilgan bo‘lib, O‘zbekistonning ijtimoiy davlat sifatidagi mavqei mustahkamlaydi. Bu Asosiy qonunga davlatning nafaqat teng huquqlar, balki teng imkoniyatlarni ta’minlash, jamiyatdagi ijtimoiy tengsizlikni yumshatish, munosib turmush sharoitini yaratish, davlatning fuqarolar oldidagi ijtimoiy mas’uliyatini kuchaytirish bo‘yicha vazifalarini strategik tarzda kiritishni anglatadi. Yangilangan Konstitutsiyani ishlab chiqishda O‘zbekiston fuqarolarining misli ko‘rilmagan faolligi, O‘zbekiston o‘zining yangi Konstitutsiyasida ijtimoiy davlat sifatida belgilanib, kuchli ijtimoiy himoya va muhtojlarga g‘amxo‘rlik davlat siyosatining muhim yo‘nalishiga aylanganini ham ko’rish mumkin. Muallif yangilangan Konstitutsiya xalqparvar davlat qurish maqsadida kuchli parlament, ixcham va mas’uliyatli hukumat, mustaqil va adolatli sud tizimini shakllantirishga qaratilgani, Prezidentning ayrim vakolatlari parlamentga o‘tkazilgani, Oliy Majlisning quyi va yuqori palatalarining vakolatlari sezilarli darajada kengaytirilgani va boshqa muhim o‘zgartishlarning mazmun-mohiyati va ahamiyatini batafsil bayon qilgan.