"Kognitiv rivojlanish" ta'lim yo'nalishini amalga oshirish uchun maktabgacha ta'lim tashkilotlari guruhlarida elementar matematik tasavvurlarni shakllantirish jarayoni orqali ko'ngilochar matematika markazlari tashkil etilgan. Ko'ngilochar matematika markazi bolalarning mustaqil faoliyatlarida mantiqiy fikrlash qobiliyatlari va malakalarini ishlab chiqishga, mavjud bilimlarni mustahkamlashga, bolalarning o'ziga xos: o'yin, izlanish va tadqiqot, konstruktiv, nutq faoliyati orqali matematika sohasida yangi narsalarni kashf etishga imkon beradigan materiallar va atributlar bilan jihozlangan bo'lishi kerak.